Па традыцыі ў канцы жніўня мы адзначаем найважнейшы для Салігорска, а з нядаўняга часу і гарнякоў г. Петрыкава, прафесійнае свята – Дзень шахцёра.
Калійная прамысловасць заўсёды займала асаблівае месца ў развіцці эканамічнага патэнцыялу Беларусі ў цэлым і Салігорска ў прыватнасці як лідара галіны. У гісторыі горнай справы нямала знакамітых імёнаў і праслаўленых рэкордаў. Сёння беларускія шахцёры захоўваюць і развіваюць найлепшыя працоўныя традыцыі. Нават у няпростай эканамічнай сітуацыі, выкліканай нестабільнай сусветнай кан'юнктурай, на рудніках, абагачальных фабрыках "Беларуськалія" рэалізуюцца інвестыцыйныя праекты, накіраваныя на мадэрнізацыю вытворчасці і павышэнне яе бяспекі, паляпшаюцца ўмовы працы і побыту супрацоўнікаў, укараняюцца новыя тэхналогіі.
Прафесія шахцёра - адна з самых складаных у свеце, далёка не кожнаму чалавеку пад сілу працаваць у падземных умовах. Гарняцкая праца гартуе характар і фармуе асаблівых людзей: моцных духам, мужных, надзейных, прыстойных. Не выпадкова ў нас так шмат шахцёрскіх дынастый, дзе жыццёвыя прынцыпы і працоўныя традыцыі перадаюцца ад бацькі да сына. Ваш прафесіяналізм, адказнасць і ўзаемадапамога выклікаюць глыбокую павагу.
Дарагія калегі, дзякуй вам за нялёгкую самаадданую працу, мэтанакіраванасць, гатоўнасць працаваць на перспектыву.
Мы стойка сустракаем выклікі часу, ідзем наперад да нашых мэт, развіваем вытворчасць, дапамагаем гораду і краіне. Асаблівая падзяка ветэранам, якія перадаюць свой вопыт маладым гарнякам, захоўваючы пераемнасць пакаленняў. Віншую кожнага прадстаўніка слаўнай шахцёрскай прафесіі са святам! Жадаю вам і вашым сем'ям здароўя, дабрабыту, удачы і ўпэўненасці ў заўтрашнім дні!
З павагай, генеральны дырэктар
ААТ "Беларуськалій"
Іван Галаваты
← К списку новостей